#DKFK Familiediens – 6 Junie 2021

updated: 06-2021


2 Konings 2:1-12
Ds Nelis Lindeque
Dit sou regtig lekker gewees het as die lewenspad sonder hobbels was, maar ons weet almal, dis nie hoe dit werk nie. Daar sal tye wees wanneer ons onder druk verkeer; maar wat laat ons dink dat ons nie dan die Here om sy hulp behoort te vra nie?
In 2 Konings 2:9 staan: Net toe hulle deur (die rivier) is, sê Elia vir Elisa: “Wat wil jy hê moet ek vir jou doen voordat ek van jou af weggevat word?” Elisa het geantwoord: “Mag daar tog ‘n dubbele deel van u gees op my kom!”

Ek weet ons moet probeer om ‘n gebalanseerde lewe te lei. Maar nou en dan sal jy ‘n dubbele porsie hulp nodig hê. Moenie bang wees om te vra nie.

Dit is God se Woord. Vars … vir jou … vandag.